اتذكر كان طعم رمضان غير

كانت الفرحه غير

كنا صغار لما يقولون رمضان بكرا نطير من الفرحه

تصوروا كنت اروح لغرفه النوم مجبور على ا لنوم عشان الدوام 6

وادعي ربي يارب بكرا رمضان

مو عشان أصوم

عشان أرجع وأسهر مع اخواني الكبار لانه الدوام بيكون 10 

وبس اسمع المذياع يعلن حلول الشهر 

ماتشوفون الا الفرحه بالبيت كله والوناسه

حتى نشرب الفيمتو قبل مانصوم ههههه

واروح للمدرسه وتصير التحديات

انت صايم وانت ايه هين ان كنت صايم

ونتتبع بعض داخل دورات المياه والبرادات نشوف احد يشرب ولا لا 

<= = طفوله وبراءه ههههه

أرجع من المدرسة ويلا هاتك ياشغل ,,,

اروح اجيب الماء والسكر واحركهم عشان يذوبون ونحط عليهم الفيمتو

عاد الوالده ماشاء الله توزع المهمات هههههه

وكنت اتمنى اسوي اللقيمات بس كنت صغير تقول لاتقرب للزيت تحترق

<= = حبة عين أمه ههههههه

وبعد ما أخلص الفيمتو تكون بعض الاكلات جاهزه وانتظر لين تخلص السمبوسه واروح اسرق لي وحده واهررررب 

تخيلوا يكون باقي على الفطور 5 دقائق وانا صابر من الصبح بالاخير افطر على حبه سمبوسه

وارجع بعد ما أكلها في مكان سري اروح للسفره واسوي نفسي جايع وعطشان (لزوم تظبط التمثيليه ها ها ها )

والقى ابوي وامي يقولون ماشاء الله عليك عز الله انك ولد سنع 

بعد الفطور تبدأ الشقاوه واللعب والهباااال وماتجي 12 الا وانا دايخ

أروح لامي (الله يحفظها )

يمه ترى السحور بتسحر بالطيب بالغصب ماعلي منكم لازم تقوموني

واذا ماقمت عادي مسموحه رشي علي ماي

وتقولي: طيب بس انت نام عشان تصحى اذا صحيناك ( يوم كبرت عرفت انها تصريفه وملعوبه بمزاج ههههههههه)

وكالعاده ما أصحى واقوم 9 الصباح وقافله مع الاخلاق وزعلان 

واروح اشرب ماي على بالي بقهرهم ههههههههههه

واروح للمدرسه

وهلم جرا

الحمدلله يارب على نعمتك 

واحمدك على العافيه اللي نعيشها

وهذه ياشباب سرد بسيط لذكرياتي يوم كنت صغير

والآن رمضان اختلف

اليوم الدوام عادي مثل أي يوم

حتى الناس صارت ماتفرح مثل قبل ؟

ولا فيه طعم لرمضان ابدا مثل زمان سبحان الله